Als Partner proposéiert Dir Aktivitéiten, déi d’Freed um Liesen, d’Méisproochegkeet, d’Interpretatioun vun Texter an d’kritescht Liesen erméiglechen. Är Offeren encouragéiere respektvoll a beräicherend interkulturell Austauschformen.
Är Offer dréit dozou bäi, de kritesche Geescht vun de Schülerinnen a Schüler ze entwéckelen, besonnesch duerch d’Analyse vu Medieninhalter an d’Formuléiere vu begrënnte Meenungen.
Dir proposéiert multimodal Projeten, déi et de Schülerinnen a Schüler erlaben, kreativ an ënnerschiddleche Situatiounen ze kommunizéieren, andeems si verschidde Medie a Kommunikatiounsforme benotzen.
Falls Är Aktivitéiten dëse Critèren entspriechen, invitéiere mir Iech, Är Offer elo anzereechen an aktiv zu dëser edukativer Dynamik bäizedroen.
Op der LearningSphere vum IFEN besteet e Réseautage tëscht Grondschoulbibliothecairen um «Espace d’échange – Grondschoulbibliothéiken».
Hei kënnen Enseignantë mat Decharge fir d’Bibliothéik hir Erfarungen austauschen an sech iwwer verschidden Theeme ronderëm d’Grondschoulbibliothéik austauschen.
Du bass scho Member? Konnektéier dech via IAM.
Du hues eng Decharge a wëlls Member ginn? Kontaktéier eis.
